Noiz sortua: 2020-06-07 00:30:00

KAE eta ETE ligak jokatzea onartu du Jaurlaritzak

Berria -

2020ko ekainak 7

ARRAUNA. KAE eta ETE ligak hasteko baimena eman du Eusko Jaurlaritzak, baldin eta ezarri dituen baldintzak betetzen badira. Klubek dagozkien osasun eta segurtasun neurriak bete beharko dituzte; arraun taldeen joan-etorriak eta bidaiak ondo zehaztu beharko dira, pilaketak ez egoteko; gainera, ezingo dira estropadari lotutako beste jarduera batzuk antolatu.

Atzo jaso zuten traineruek bihartik aurrera uretan entrenatzen hasteko Jaurlaritzaren baimena. «Albiste ezin hobea da, horrek bermatzen baitu ligak aurreikusten genuen baldintzetan hastea». Bai TKEko, bai KAEko buruak negoziatzen ari dira, Galiziako eta Kantabriako traineruak ere bihartik aurrera uretan izan daitezen.

Bestalde, Traineru Kluben Elkarteak osasun protokoloa arindu duela salatuz agiria kaleratu zuten ostegunean Euskotren eta Euskolabel ligetako «hainbat arraunlarik». Agiriak zeresana ematen segitzen du. Herenegun Orioko arraunlariek egin bezala, Urdaibaiko eta Santurtziko arraunlariek atzo jakinarazi zuten ez dutela zerikusirik agiri horrekin, eta ez dutela bat egiten han esaten denarekin.

Urdaibaikoen kasuan, gainera, azaldu zuten zuzendaritzak agindu diela hamabost egunetik behin COVID-19 duten jakiteko test azkarrak egingo dizkietela.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

PCR probak egiten, atzo, Ordizian ©Jon Urbe / Foku

Ordiziako fokuan 30 pertsona kutsatu dira oraingoz, eta alkateak «autokonfinatzeko» eskatu du

Irati Urdalleta Lete - Jon Ordoñez Garmendia

Beste hamalau positibo daudela jakinarazi du Osasun Sailak, eta dagoeneko 707 PCRren emaitzak jaso dituzte. Beharrezkoa dela ikusiz gero «irmo» arituko direla ziurtatu du sailburuak. Itxi zituzten Haka, Miami eta Kebab tabernetako zerbitzariek negatibo eman dute. Biharko azoka bertan behera utzi du Udalak, eta kiroldegia, jolas parkeak eta liburutegia itxi ditu. Neurriak zorroztuko dituzte arratsaldean.

Testak egiteko asmoz Ordizian atzo ipinitako karpa. ©JON URBE / FOKU

«Nor ez da ibiltzen hor!»

Arantxa Iraola

Zazpi positibori atxikita, ostatu gune batean ibilitako herritarrei testak egin dizkie Osakidetzak: 900 PCR proba egin dituzte, eta negatibo eman dute lehen 91k. Boluntarioa izan da parte hartzea. Ordizia, Beasain eta Lazkaoko eguneko zentroak itxi egin dituzte, eta zahar etxeetan bisitak kendu dizkiete zazpi egunez. Eskualdeko beste zahar etxeetan, halaber, kalera irteteko aukerarik gabe utzi dituzte bertan bizi diren adinekoak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna