Companysen eta Agirreren erbesterako bidea gogoan

Quim Torra eta Juan Jose Ibarretxe Agullanan elkartu dira, 80 urteren ostean, bi lehendakariak omentzeko
Ibarretxe eta Torra, besteak beste, Sareko eta GEDeko kideekin, atzo.
Ibarretxe eta Torra, besteak beste, Sareko eta GEDeko kideekin, atzo. GED

Berria -

2019ko otsailak 23
AGULLANA. Orain 80 urte, Lluis Companys presidenteak eta Jose Antonio Agirre lehendakariak erbesterako bidea hartu zuten, Agullanan (Herrialde Katalanak), 36ko gerratik ihesi. Hori gogoan, Quim Torra Generalitateko presidenteak eta Juan Jose Ibarretxe Eusko Jaurlaritzako lehendakari ohiak bide hori egin zuten atzo.

Kataluniako buruzagi independentistei babesa adierazteko baliatu zuten ibilbidea. Ibarretxek nabarmendu zuen «katea» ez dela eten: «Agirre lehendakariak egin bezala, president-ari eta Kataluniako herriari besarkada emanez». Torrak ere nabarmendu zuen Euskal Herrian eta Katalunian «ideal» berak defendatu direla beti, eta hori egiten segituko dutela.

Torra eta Ibarretxe ez ezik, GEDekoak ere izan ziren, beste eragileekin batera. Jone Amonarriz eledunak esan zuen «demokraziaren bidea egiten» segitzeko garaia dela: «Bada garaia bi herriak lotzen dituen xedea lortzeko: askatasuna». Sareko Joseba Azkarraga ere izan zen bertan, eta preso politikoako askatzea galdegin zuen.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna