Aste Santuan errepideetako kontrolak zorroztuko dituzte Hegoaldean

GASTEIZ. Aste Santuko opor egunetan errepideetako kontrolak indartuko dituzte Hego Euskal Herrian Ertzaintzak, Espainiako Poliziak eta Guardia Zibilak, ezarritako itxialdi perimetralak betearazteko. Jose Luis Aristi Nafarroarako Espainiako Gobernuko ordezkariak adierazitakoaren arabera, 300 kontrol inguru ezarriko dituzte herrialdean. Horrez gain, Jaurlaritzak jakinarazi du itxialdi perimetralean dauden herrietan ere jarriko dituztela kontrolak.