TXIRRINDULARITZA. Arantza sartua zuen Alex Aranburuk (Caja Rural) Burgosko Itzuliko lehen etapatik, Giacomo Nizzolok (Dimension Data) azken unean garaipenik gabe utzi zuenetik. Bada, hiru egun geroago atera du arantza Ezkiokoak, atzo laugarren etapa irabazi baitzuen. Aldapan gora amaitu zen saioa, eta bera izan zen indartsuena. Aranburuk lekukoa hartu dio Jon Aberasturi taldekideari, eta bigarren garaipena eman Caja Rurali. Gaur amaituko da Itzulia, Neilako Aintziretan. Ivan Ramiro Sosa (Ineos) lider da, eta Oscar Rodriguez (Euskadi-Murias) bigarren, hamazazpi segundora. Lehia estua espero da.
Bestalde, Eider Merinok beste urtebeterako berritu du kontratua Movistarrekin, eta, beraz, datorren sasoian ere bi euskal herritar ariko dira taldean, Lourdes Oiarbidek beste bi urtez luzatu baitu kontratua.
Alex Aranburuk arantza atera du, Burgosen irabazita
Iruzkinak
Ez dago iruzkinik
Ordenatu