GASTEIZ. Eusko Legebiltzarrak ez du ohiko osoko bilkurarik edo batzorde bilerarik egiten urtarrilean, baina, pandemiaren eraginak kontuan izanik, jarduera parlamentarioei lehenbailehen ekiteko proposamena aurkeztu zuten atzo EH Bilduk eta Elkarrekin Podemos-IUk. Legebiltzarreko mahaiak, ordea, atzera bota zuen, EAJko eta PSE-EEko kideen gehiengoarekin. Erabaki «ulergaitza», EH Bilduren ustez.
Oposizioko bi indar nagusiek hilaren 20an eta 27an ezohiko bilera bana egiteko proposamena aurkeztu zuten; besteak beste, Osakidetzako lehen arretaren, ikasgeletarako itzuleraren, familien kontziliazioaren eta kaltetutako enpresei zuzendutako laguntzen inguruko neurriak hartzeko. Haien hitzetan, egoerari aurre egiteko funtsezkoa da hainbat proposamen «premiaz» eztabaidatzea.
Legebiltzarrak uko egin dio urtarrilean premiaz biltzeari
Iruzkinak
Ez dago iruzkinik
Ordenatu