DONOSTIA. Koronabirusa bereziki ari da erasaten adinekoen egoitzetan. Atzoko Gipuzkoako datuak ikusi besterik ez dago. Foru aldundiak jakinarazi zuenez, beste 22 kasu atzeman dituzte lurraldeko zahar etxeetan, gehienak (8) Donostiako Txara II egoitzan. Horrenbestez, gaur egun, 94 egoiliar daude positibo emanda, eta horietako hiru ospitaleratu behar izan dituzte.
Bestalde, aldundiaren hitzetan, ez da beste hildakorik izan azken orduetan, eta lau egoiliarrek gainditu dute gaitza. Abuztuaren 11tik, 43 egoiliar hil dira lurralde horretako zahar etxeetan.
Bizkaiko Foru Aldundiak ere atzo berritu zituen adinekoen egoitzetako datuak. 103 erabiltzaile daude positibo emanda, azken zenbaketan baino hiru gutxiago, eta hamalau egoiliarrek lortu dute gaitza gainditzea. Azken egunetan ez da inor hil.Guztira, 81 egoiliar hil dira Bizkaiko egoitzetan.
Koronabirusa
Beste 22 kasu atzeman dituzte Gipuzkoako zahar etxeetan
Azken orduetan ez da beste egoiliarrik hil Gipuzkoako eta Bizkaiko adinekoen egoitzetan
Iruzkinak
Ez dago iruzkinik
Ordenatu
