Istilu larriak Marokoko Poliziaren eta Rifeko erresistentziaren artean

RABAT. Istilu gogorrak gertatu ziren atzo Al-Hoceimako hainbat auzotan (Maroko), Rif eskualdeko erresistentziako kideen eta Poliziaren artean. Segurtasun indarrak Nasser Zafzazi protesten burua atxilotzen saiatu ziren, meskita batean egiten ari ziren ostiraleroko otoitza eten eta imama iraintzeagatik. Ihes egin zuen, ordea, eta Poliziak, atzo gauean, hura atxilo hartzeko ahaleginean jarraitzen zuen oraindik. Erresistentziak zazpi hilabete daramatza protestan, eta, mugimenduko buruetako baten esanetan, egoera «oso hondatuta dago». Herritarrek salatu dute ez dituztela kontuan hartzen, ahaztuak dituztela.