Jaurlaritza eta Nafarroa, memoriari buruz lankidetzan
Biktimen arreta, bizikidetza eta memoria: hiru gai horiek elkarrekin jorratzeko hitzarmen bat sinatuko dute
IRUÑEA. Iñigo Urkullu Jaurlaritzako lehendakariak eta Uxue Barkos Nafarroako Gobernuko orduko lehendakariak bizikidetzaren arloan irekitako lankidetza ildoarekin segituko du Maria Txibiteren gobernuak. Asteazkenean hitzarmen bat sinatuko dute bi gobernuek: Ana Ollo Herritarrekiko Erakundeekiko kontseilariak eta Beatriz Artolazabal Berdintasun, Justizia eta Gizarte Politiketako sailburuak. Ana Ollok horren gaineko azalpenak eman ditu Nafarroako Parlamentuan, Iñaki Iriarte Navarra Sumako parlamentariari erantzunez. Olloren arabera, hiru esparru jorratuko ditu hitzarmenak. Batetik, biktimen arreta: ETAren biktimak, 36ko gerrako errepresaliatuen biktimak eta Poliziaren zein eskuin muturreko taldeenak; bestetik, bizikidetza gaiak; eta azkenik, memoriari buruzkoak.
Iruzkinak
Ez dago iruzkinik
Ordenatu