ANDOAIN. Andoaingo (Gipuzkoa) Antex Fibres enpresaren lantegian langile bat hil zen atzo goizean, makina batek harrapatuta. LAB sindikatuak jakinarazi zuen lan heriotza, eta aurten Euskal Herrian lanean hil den 64. pertsona dela gogoraratu zuen. Duela bi aste garraiolari batek ere bizitza galdu zuen lanean ari zela.
LABek salatu zuen «kapitalismoak eragindako» heriotza izan dela, eta erantzule egin zuen Eusko Jaurlaritza: «Salatu nahi dugu Eusko Jaurlaritzak ez diola patronalari berea den ardura betearazi nahi, eta horren atzean erabaki politikoa dagoela». Sindikatuak elkartasuna adierazi zien langilearen senide, lagun eta lankideei. Horrez gain, datozen orduetarako deitutako mobilizazioetan parte hartzera dei egin zuen.
Langile bat hil da Andoainen, Antex Fibres enpresan
Iruzkinak
Ez dago iruzkinik
Ordenatu