SASKIBALOIA. IDK-k ezin izan du bigarren garaipena eskuratu Eurokopan. Azu Muguruzaren taldeak 88-78 galdu zuen atzo BLM taldearen kontra, Montpellierren. Frantziako taldea multzoko liderra da, eta, donostiarrak nor baino nor gehiago lehiatu ziren arren, amore eman behar izan zuten azkenerako, etxekoen ahalmen fisikoaren aurrean.
Gernikak herenegun jokatu zuen. Klubak atzo jakinarazi zuen ebakuntza egin beharko diotela Nogay Lo jokalariari, eskuineko belaunean dituen arazoak tarteko.
Bestalde, Euroligan, Baskoniak Atenasen jokatuko du gaur. Panathinaikos izango du aurrean (20:30, Dazn). Etxekoek garaipen bakarra eskuratu dute orain arte; Baskoniak, lau.
IDK-k 88-78 galdu du Montpellierren kontrako partida
Iruzkinak
Ez dago iruzkinik
Ordenatu
