Joan-etorriak gutxitzeko neurriak eskatu ditu Europak

BRUSELA. Kutsatzeen gorakadak eta aldaera berrien hedapenak kezkatuta, joan-etorriak mugatzeko «traba gehiago» jartzeko eskatu die Europako Batzordeak 27 estatu kideei. Estatu barnean eta estatuen artean ez mugitzea «sutsuki ez aholkatzea» izan da proposamenetako bat. Horrez gain, 100.000 biztanleko 500 kutsatu baino gehiago dituzten estatuentzat «eremu gorri iluna» izendapena ezartzea ere gomendatu du. Izendapen hori ezarriko balitz, hamar estatu inguruk izango lukete kolore gorri iluna.

Gomendio horien helburua mugikortasuna ahalik eta gehien murriztea bada ere, joan-etorriakbertan behera uztea gomendatu du Ylva Johansson Europako Batzordeko barne komisarioak. Are gehiago «eremu gorri ilunean» dauden estatuetara denean. Horien kasuan bakarrik «beharrezkoak» direnak baimendu beharko liratekeela uste du batzordeak: gainera,joan aurretik PCRa eta hamalau eguneko berrogeialdia egin beharko luke bidaiariak.

Batzordeak ez du eskumenik mugen kontrolerako edota osasungintzako gaietarako, baina aste honetan bertan estatu kideekin negoziazioak hasteko asmoa erakutsi du, 27 estatuek kontsentsua «ahalik eta azkarren» lortu eta joan-etorriak murrizteko.