SASKIBALOIA. Bolada bikainean dago Baskonia. Euroligan jokatu dituen hiru neurketak irabazi ditu Gasteizko taldeak, eta laugarren garaipena eskuratzen saiatuko da gaur, Buesa Arenan, Olympiakosen aurka (20:30).
Joan Peñarroyaren esku hartzea nabarmena da taldearen jokoan, batez ere defentsan, eta hiruko jaurtiketetan oso eraginkor dabil taldea. Izar Gorriaren aurkako azken neurketan hemeretzi hiruko sartu zituzten, taldearen inoizko markarik onena. Markus Howard da horren eragile nagusia, hamazazpi hiruko sartu baititu hiru neurketetan.
Baskoniak 2011. urtean irabazi zituen azkenekoz Euroligako lehenengo hiru neurketak jarraian, eta gaur irabaziko balu, taldearen historiako hasierarik onena izango litzateke lehiaketa horretan. Olympiakos, ordea, ez da aurkari makala. Real Madrilen aurka irabazi berri dute greziarrek, eta iragan sasoian Lauko Finalera iritsi zen taldearen antzekoa daukate. Alec Peters Baskoniako jokalari ohia da berritasun bakarrenetakoa.
Baskoniak Olympiakos hartuko du etxean
Iruzkinak
Ez dago iruzkinik
Ordenatu
