SASKIBALOIA. Kirolbet Baskoniak oso gertu izan zuen atzo Real Madrilen kantxan ezustekoa ematea, baina azkenean, 70-69 galdu zuen. Gasteiztarrek oso itxura ona eman zuten neurketa osoan, eta estu hartu zuten etxeko taldea. Hala, partida amaitzeko bost segundoren faltan 69na berdinduta ziren bi taldeak. Baina Stauskasek falta inozoa egin zion Campazzori, eta argentinarrak jaurtiketa libre bat sartu zuen, eta bestea nahita huts egin. Xengeliak hartu zuen errebotea, baina ez zuen asmatu urrutitik. Hortxe amaitu zen lehia.
Bestalde, Delteco Gipuzkoa Basketek lehen aldiz irabazi zuen atzo Asturiasko Printzesaren Kopa, Valladoliden (Espainia) jokatutako finalean etxeko taldea 55-62 mendean hartuta.
Baskoniak 70-69 galdu du Real Madrilen aurka
Iruzkinak
Ez dago iruzkinik
Ordenatu