Hitzarmen bat egin dute justizia euskalduntzeko
GASTEIZ.Abokatu eta prokuradore izateko azterketak euskaraz egin ahalko dira hemendik aurrera Araban, Bizkaian eta Gipuzkoan. Eusko Jaurlaritzako Gobernu Kontseiluak atzo onartu zuen aukera hori bermatzen duen hitzarmena. Hain justu, Eusko Jaurlaritzaren eta Espainiako Justizia Ministerioaren artean sinatutako akordioari esker, bermatu egingo da abokatu eta prokuradore izan nahi dutenei azterketa euskaraz egiteko aukera. Akordioaren arabera, azterketara aurkezten direnek berdin egin ahalko dute euskaraz edo gazteleraz. Eusko Jaurlaritzako itzulpen zerbitzuek egin beharko dute azterketaren euskarazko itzulpena, eta Madrilek azterketa bi hizkuntzetan egiteko aukera bermatu beharko du.
Iruzkinak
Ez dago iruzkinik
Ordenatu