Gizon baten gorpuzkiak aurkitu dituzte Barakaldon

2020ko azaroaren 27a
00:00
Entzun
BARAKALDO. Ertzaintzak gizon baten gorpuzkiak aurkitu zituen atzo Barakaldoko Arrontegi mendian (Bizkaia). Eusko Jaurlaritzako Segurtasun Sailak ohar batean jakinarazi duenez, uztailean desagertutako 62 urteko Barakaldoko herritar baten kasua ikertzen ari ziren, eta ikerketaren zantzuek eraman zituzten atzo bilaketa bat egitera, aztarna berriak aurkitzeko asmoz. Arrastoak desagertutako gizonarenak direla uste dute.

Era berean, ikertzaileek ondorioztatu dute desagertzea ez zela borondatezkoa izan. «Bilaketa honen ondorioz, Ertzaintzak jauzi kualitatibo bat eman du desagertzearen ikerketan. Kriminalitate zantzuak daudela ematen du», azpimarratu dute. Izan ere, hedabide batzuen arabera, gorpuaren hankak moztuta aurkitu dituzte.

Ertzaintzak Barakaldoko epaitegiei eman zien atzo gertatutakoaren berri, eta polizia zientifikoko talde bat ere joan zen gorpuzkiak agertu ziren lekura. Ikerketa zabalik dago; baita bilaketa ere.
Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.