Natxo Knorr pianista zendu da, 40 urtez Gorka Knorr anaiarekin jotzen aritu zena

MUSIKA. Natxo Knorr piano jotzailea herenegun zendu zen, 75 urte zituela. Gaztetan Alemanian lanean ibili ondoren, Euskal Herrira itzuli, eta Gorka Knorr anaiarekin jotzen hasi zen, hasieran taldean, eta, gero, biak euren kabuz. Euskal Herrian zein nazioartean aritu ziren. Beste hainbat musikariri ere lagundu izan zien. Azken emanaldia iazko irailaren 25ean egin zuen, Bartzelonako Model espetxean, Juan Paredes Txiki eta Angel Otaegiri eginiko omenaldian, erregimen frankistak fusilatu zitueneko 45. urteurrena gogoratzeko.