MELILLA. Gutxienez hamazazpi migratzaile hil ziren atzo Europara bidean Mediterraneo itsasoan jasandako bi ezbeharretan. Horietako batean hamahiru pertsona hil zirela jakinarazi zuten Espainiako agintariek. Salbamendu taldeek bi txalupa noraezean aurkitu zituzten Afrika iparraldeko Melilla hiritik 32 kilometrotara; bederatzi gorpu uretatik atera zituzten, eta beste lau Melillako portuan hil ziren. 80 migratzaile bizirik atera zituzten ontzietatik.
Espainia hegoaldeko Cadiz hiritik gertu, berriz, lau gorpu aurkitu zituztela jakinarazi zuen Guardia Zibilak. 40 lagun inguruko txalupa batean zihoazela esan zuen iturri horrek; 22 erreskatatu zituzten, eta gainerakoak desagertutzat jo zituzten.
Hamazazpi migratzaile hil dira Mediterraneoan
Iruzkinak
Ez dago iruzkinik
Ordenatu