Pello Gurbindo, Nafarroako antzoki sareko presidente

ANTZERKIA. Datozen lau urteetan, Nafarroako Antzoki Sareko presidente izango da Pello Gurbindo Jimenez. 2013an sortu zuten sarea antzokia duten 33 udalerrik, arte eszenikoen eskaintza «askotarikoa, zabala eta kalitatezkoa» sustatzeko. Bere estatutuen arabera, udal hauteskundeen ostean zuzendaritza batzordea berritu behar du, eta hala egin zuen herenegun, ezohiko batzarrean. Atarrabiako kultur zinegotzia da Gurbindo, eta herenegungo batzarrean aukeratu zuten sareko presidente.