Saria Patxo Telleriari, 'Treblinkara azken trena' lanaren gaztelerazko testuagatik

ANTZERKIA. Patxo Telleriak Teatro Rojaseko Gaztelerazko Testugile Onenaren antzerki saria jasoko du gaur, Toledon (Espainia), Treblinkara azken trena antzezlanaren gaztelerazko testuagatik. Vaiven Produkzioak-eko Ana Pimentak eta Fernando Bernuesek sorturiko antzezlan horrek Antzerki Ikuskizun Onenaren saria ere irabazi du, eta Mireia Gabilondo Eszena Zuzendari Onenaren sarirako finalista izan da. Patxo Telleriarena da dramaturgia, bai euskarazkoa, bai gaztelerazkoa.