Europaz eta gazteriaz ariko dira gaur alderdietako hautagaiak, EHUn

LEIOA. Izaskun Bilbao, Pernando Barrena, Iñigo Martinez, Eider Gardiazabal eta Zoe Nubla Europako Legebiltzarrerako EAJko, EH Bilduko, Unidas Podemoseko, PSE-EEko eta PPko hautagaiek parte hartuko dute Europa eta gazteria izenburuko eztabaidan, gaur. Euskal Herriko Unibertsitateko Nazioarteko Zuzenbide Publikoko, Nazioarteko Harremanetako eta Zuzenbidearen Historiako sailek antolatu dute debatea, Global Shapper Communityrekin batera. Leioako campuseko Gizarte eta Komunikazio Zientzien Fakultatean ariko dira solasean, 11:30ean hasita.