EMBko langileek protestan jarraitzeko asmoa azaldu dute

80 autobus sabotatu dituzte; pinturaz margotu dituzte ibilgailuen kristalak, lan hitzarmenaren aldeko mezuekin

Pintatutako autobusak. BERRIA Tamaina handiagoan ikusi

2022ko azaroak 9

TRAPAGARAN. Aparkabisak Trapagaranen duen aparkalekuan EMB konpainiaren 80 autobus sabotatu zituzten atzo. Pinturaz margotu zituzten autobusen kristalak eta ispiluak, lan hitzarmen berri baten aldeko mezuekin. Ezkerraldean eta Meatzaldean ematen du autobus zerbitzua EMBk, eta enpresako langileek laugarren greba eguna zuten atzo. Lan hitzarmen berrian hobekuntzak nahi dituzte. Sabotajearen ondorioz, autobus zerbitzua etenda geratu zen bi eskualde horietako hainbat lineatan.

Langileen ordezkarien arabera, ez dute inoiz horrelako ekintzarik defendatuko. Baina mobilizazioetan jarraitzeko prest daude EMBko langileak. Beste hainbat greba hitzartuak dituzte, eta deus konpontzen ez bada gehiago ere egiteko asmoa dutela adierazi dute.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Izan BERRIAlaguna