Hivertek irabazi du Miguel Indurain saria, bi kilometro falta zirela eraso eginda

TXIRRINDULARITZA. Jonathan Hivert (Direct Energie) gailendu zen atzo Miguel Indurain sarian, Lizarran (Nafarroa). 30 kilometro falta zirela osatu zen ihesaldi erabakigarria. Han ziren, besteak beste, Omar Fraile eta Gorka Izagirre (Astana) eta Mikel Nieve (Mitchelton Scott).Bi kilometro falta zirela jo zuen erasoa Hivertek. Luis Leon Sanchez (Astana) izan zen bigarren, eta Sergio Higuita (Euskadi Fundazioa) hirugarren. Gaur korrituko da Flandriako Tourra.