ESKUBALOIA. Oso modu desberdinean ekin diote Asobal Ligako bi euskal taldeek denboraldiari. Bidasoak, iazko joerari eutsi, garaipen garrantzitsua lortu zuen atzo Leonen. Jacobo Cuetararen taldea 27-33 nagusitu zen, goiko postuetan egoteko borrokan aurkari zuzena izan dezakeen Ademar Leonen pabiloian. Bigarren zatiaren azken txanpan erabaki zuten lehia irundarrek.
Anaitasunak, berriz, ezin izan zuen ezustea eman, eta alde handiz galdu zuen Bartzelona ahaltsuaren pistan: 42-25. Hasi eta buka nagusitu zen egungo liga txapelduna. Atsedenaldirako zortzi golez ziren aurretik:18-10, eta nafarrek ezer gutxi egin ahal izan zuten kataluniarren joko emaria eteteko.
Bidasoak irabazi egin du, eta Anaitasunak galdu
Iruzkinak
Ez dago iruzkinik
Ordenatu