GASTEIZ.Urtebeteko espetxe zigorra jaso du Emilio Titos Gasteizko Mercedes fabrikako zuzendariak, 2016ko irailean, Herrerako mendate inguruan zuhurtziagabekeriaz gidatu eta beste gidari baten bizitza arriskuan jarri zuelako. Titosek ez du kartzelan sartu beharko, baina bi urtez gidatzeko baimena kendu dio Gasteizko bigarren epaitegiak, eta 17.762 euroko kalte-ordaina eman beharko dio istripua izan zuen autoko aseguru etxeari.
Mercedeseko buruaren semea, Emilio Titos hura ere, errugabetu du epaileak, ez zuelako istripurik eragin. Gasteizko lantegira iritsitako potentzia handiko auto bana abiadura handian gidatzen aritu ziren Herrerako mendatean gora eta behera. Titos aitaren autoak beste auto bat bidetik ateratzea eragin zuen, bihurgune batean aurreratzen hasi zelako.
Titos Gasteizko Mercedeseko burua zigortu dute
Iruzkinak
Ez dago iruzkinik
Ordenatu