Urrutikoetxeak eta Artolak elkarren aurka jokatuko dute gaur Arrigorriagan

PILOTA. Mikel Urrutikoetxea eta Iñaki Artola elkarren aurka ariko dira gaur Arrigorriagan (Bizkaia), lau eta erdiko San Fermin torneokofinal-zortzirenetan. Urrutikoetxeak lehen partida jokatuko du buruz buruko txapelketako finalean aritu ondoren. Artolak, berriz, Asier Agirreri irabazi zion atarikoan: 22-19. Irabazleak Oinatz Bengoetxearekin neurtuko ditu indarrak hilaren 22an, Muskizen (Bizkaia).