Aljeriako Kamel Eddine aktibista hil egin da 50 eguneko gose grebaren ondorioz

ALJER. Kamel Eddine Fekhar giza eskubideen aldeko aktibista hil egin da, espetxean 50 egun baino gehiagoz gose greba egin eta gero. Martxoan atxilotu zuten, «estatuko segurtasuna ahuldu» izana egotzita. Herritarrek heriotzaren aurkako protestak egin dituzte. Aljeriako mozabita berberen alde lan egiteagatik da ezaguna. Iaz BERRIAri egin zion adierazpenetan azaldu zuen euren egoera: «Baztertuak gaude amazigak garelako arabiar nortasun bakarra ezarri nahi duen estatu batean; ez garelako musulman sunitak, ibadiak baizik».