'El hoyo' eta 'La trinchera infinita', Oscar sarietarako lehen hautagaien artean

ZINEMA. Oliver Laxeren O que arde filmarekin batera lehiatuko dira Galder Gaztelu-Urrutiaren El hoyo lehen film luzea eta Aitor Arregi, Jon Garaño eta Joxe Mari Goenagaren La trinchera infinita, Oscar sarietan ingelesez besteko filmen atalean Espainia ordezkatzeko. Aurrez ere sari ugari jasoak dira bi euskal ekoizpenak, nolanahi ere. Hirugarren aldia da Moriartikoen film bat lehen hautagaien artean dagoela. Azaroaren 3an emango dute azken aukeraketaren berri. Oscar sariak apirilaren 25ean banatuko dituzte, Los Angelesen.