Carlos Fdez-ek egin du Donostiako Beldurrezko Zinemaren Asteko kartela

ZINEMA. Urriaren 28tik azaroaren 4ra egingo dute aurten Donostiako Beldurrezko eta Fantasiazko 33. Astea, eta kartela aurkeztu dute jadanik. Carlos Fdez margolariak sortu du, eta Macarena Gomez aktorearen irudia eta jaialdiaren ikur den armiarma ere baliatu ditu horretarako. Horrez gainera, Luis Gasca komikigile eta zinemagileari eskainitako erakusketa bat antolatuko dutela ere iragarri dute, eta esan dute Antonio Jose Navarro idazlea kanibalismoak zineman izan duen agerpena aztertuko duen argitalpen bat prestatzen ari dela.