FUTBOLA. Espainiako Lehen Mailako lau euskal taldeek denboraldi-aurreko lagunarteko partidak izan zituzten atzo. Realaren eta Alavesen arteko neurketa Anoetan jokatu zen, 5.000 jarraitzaile ingururen aurrean aspaldiko partez. Etxekoak gehiago izan ziren, eta 3-1 irabazi zuten. Zortzigarren minuturako, aurretik zen Reala, Adnan Januzajek sartutako golari esker. Beste bi golak Jon Pachecoren eta Igor Zubeldiaren bitartez heldu ziren. Alavesen gol bakarra, berriz, Lucas Perezek egin zuen, penaltiz.
Athleticek, berriz, Borussia Dortmundi 2-0 irabazi zion, sasoi-aurreko hirugarren partidan, Sankt Gallenen, Suitzan. Raul Garciak sartu zuen lehen gola, penalti puntutik, 50. minutuan. Handik zazpi minutura, Daniel Vivianek egin zuen talde zuri-gorriaren bigarren gola, buruz. Athleticek modu horretara amaitu du Suitzako bira.
Osasunak, bestalde, sasoi-aurreko bigarren garaipena eskuratu zuen Burgosen aurka 2-0 irabazita, Taxoaren. Chimy Avilak egin zuen lehena, 60. minutuan; bigarren gola, berriz, aste honetan talde gorritxoarekin 2025. urtera arte kontratua berritu duen Nacho Vidalek egin zuen, 88. minutuan.
Reala 3-1 gailendu zaio Alavesi, zaleen aurrean
Iruzkinak
Ez dago iruzkinik
Ordenatu
