TXIRRINDULARITZA. Patuak halakoak ditu. Ospitaleko ohe batean etzanda egonda irabazi du itzuli handi bat Chris Froomek (Ineos). Txirrindularitzaren Nazioarteko Batasunak (UCI) kendu egin dio Juanjo Cobo espainiarrari 2011ko Espainiako Vuelta, dopinaren aurkako araua hausteagatik. Froome sailkatu zen urte hartan bigarren; beraz, berarentzat da garaipena. Bigarrena du Vueltan, 2017an ere nagusitu baitzen.
Ez dirudi berri hori aringarri izango denik, jota baitago Froome, fisikoki eta psikologikoki. Ez da harritzekoa, herenegun eskuin femurra, ukondoa eta hainbat saihets hautsi baitzituen, eta horren ondorioz ez baita ariko Tourrean.
Bestalde, lehiari dagokionez, Wout van Aertek (Jumbo) bigarrenez jarraian irabazi zuen Dauphinen. Lehen postuan segitzen du Adam Yatesek (Mitchelton). OVO Energy itzulian, berriz, Katarzina Niewiadoma (Canyon) nagusitu zen laugarren saioan. Liane Lippert (Sunweb) da liderra orain.
UCIk 2011ko Espainiako Vuelta eman dio Chris Froomeri
Txirrindularitzaren Nazioarteko Batasunak garaipena kendu dio Juanjo Cobori, dopinaren araua hausteagatik
Iruzkinak
Ez dago iruzkinik
Ordenatu
