Diru sarrerak bermatzeko errenta, aurreratua

BILBO. Eusko Jaurlaritzaren diru sarrerak bermatzeko errenta jasotzen dutenek ostiralean kobratuko dute dagokien dirua, beranduenez —ohi baino egun batzuk lehenago—, Gizarte Politiketako Sailak jakinarazi duenez. Gaur egun, 52.240 herritarrek jasotzen dute diru sarrerak bermatzeko errenta Araban, Bizkaian eta Gipuzkoan; haietatik %54,7k ez dute beste diru sarrerarik, eta %19,7k euren pentsioak osatzeko behar dute diru hori.