Athletic 3-1 gailendu zaio Eibarri, eta Euskal Herria kopako finalean dago
FUTBOLA. Euskal Herria kopak badu lehen finalista: Athletic. Joseba Agirreren taldeak 3-1 hartu zuen mendean atzo Eibar. Zuri-gorriak hasieratik izan ziren nagusi. 12. minuturako 2-0 zeuden aurretik. Maria Diazek eta Nekanek sartu zituzten golak. Hirugarrena Leiak lortu zuen, 42. minutuan. Laugarrena sartzeko abagunea ere izan zuen Athleticek, baina Nekanek penalti bat huts egin zuen. Eibarrek, ordea, penaltiz sartu zuen gola, 61. minutuan, Idoiaren eskutik. Beste finalerdia etzi jokatuko dute, Faduran, Realak eta San Ignaciok (19:30).
Iruzkinak
Ez dago iruzkinik
Ordenatu