DONOSTIA. Euskal Herriko hainbat elkarte eta alderdi errepublikazalek deituta, manifestazio jendetsu bat egin zuten atzo eguerdian, Donostian. Hainbat banderaren eta oihuren artean, «III. Errepublika» galdegin zuten bertan.
Euskadiko Batzorde Errepublikanoak, Arabako Ateneo Errepublikanoak, Donostiako Elkarte Errepublikanoak, Irungo Nicolas Gerendiain elkarteak, Oiartzualdeko Pikoketa elkarteak, Andoaingo Belabieta elkarteak eta Tolosako Foro Errepublikanoak deituta egin zen atzoko mobilizazioa, besteak beste. Haiekin bat egin zuten Ezker Anitzak eta EPK Euskadiko Alderdi Komunistak. EPK-ko idazkari nagusi eta Ezker Anitzako legebiltzarkide Jon Hernandezek aipatutako elkarte horiek «errepublika bistararazteko» egindako lana goraipatu zuen, eta «autodeterminazio eskubidea» haiek proposatzen duten «Espainia errepublikanoaren markoan» bakarrik gauzatuko dela esan.
«IIII. Errepublika» galdegin dute hainbat elkartek, Donostian
Iruzkinak
Ez dago iruzkinik
Ordenatu