Kopa buruan duela ariko da gaur Reala Levanteren zelaian

Talde txuri-urdina bolada onari eusten saiatuko da, zazpi jardunaldi egin baititu galdu gabe (18:30)

Nerea Eizagirre, baloiarekin, Athleticen aurkako partidan. JON URBE / FOKU.
2019ko otsailaren 13a
00:00
Entzun
FUTBOLA. Aspaldiko partidarik garrantzitsuena jokatuko du Realak igande honetan, Anoetan, Sevillaren aurka (16:30). Espainiako Kopako finalean aritzea izango du jokoan. Lehia horren aurretik, ordea, Espainiako Ligako partida jokatuko du. Eta ez da nolanahikoa izango, ligako aurkari indartsuenetako bati egingo baitio bisita: Levanteri, hain zuzen ere. Hura dago Atletico Madril eta Bartzelona ahaltsuengandik gertuen. Hala dago sailkapenean ere, hirugarren baita, 44 punturekin. Hiru koska beherago eta hamabost puntu gutxiagorekin dago Reala. Argi dago: etxeko taldea da faborito argia gaur hiru puntuak lortzeko. Lehia hasi aurretik, donostiarrak konforme leudeke gutxienez punturen bat lortuta. Hori eginez, eutsi egingo liokete bolada onari: zazpi jardunaldi egin dituzte galdu gabe.

Pentsatzekoa da Gonzalo Arkonadak aldaketak egingo dituela gehien jokatzen ari direnek atseden har dezaten eta igandera sasoiko irits daitezen.
Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.