PPren ahaldungai nagusiek zergak jaitsi nahi dituzte lurralde guztietan

BILBO. PPren Arabako, Bizkaiko eta Gipuzkoako ahaldungai nagusiek hitzaldia egin dute Bilbon, Nueva Economia foroak gonbidatuta, eta denek proposatu dute zergak jaistea. Arabako hautagai Iñaki Oiarzabalek esan du Eusko Jaurlaritza «xurgagailu» gisa aritzen dela «aldundien baliabide ekonomikoak bereganatuz». Bizkaiko hautagai Amaya Fernandez «familien esku» baliabide gehiago uztearen alde agertu da, eta Gipuzkoako Juan Carlos Canok esan du gipuzkoarrak «diskriminaturik» daudela.