LONDRES. Rishi Sunak Erresuma Batuko Ekonomia ministro ohiak, Grant Shapps Garraio ministroak eta Nadhim Zahawi Ekonomia ministro berriak ere iragarri zuten atzo Alderdi Kontserbadorearen buruzagitzan Boris Johnson ordezkatzeko primarioetan parte hartuko dutela, eta, hortaz, Erresuma Batuko lehen ministro izateko asmoa dutela. Horrenbestez, oraingoz seik aurkeztu dute hautagaitza. Kemi Badenoch Berdintasunerako Estatu idazkaria izandakoa, Tom Tugendhat Komunen Ganberako Atzerri batzordeko presidentea eta Suella Braverman fiskal nagusia dira beste hautagaiak.
Johnsonek joan den ostegunean eman zuen dimisioa, baina karguan jarraituko du toryek lider berri bat aukeratu bitartean. Asteon dira iragartzekoak primarioen egutegia. Erresuma Batuko hedabideek toryen iturriak aipatuz kaleratu dutenez, hautagai gehiago izango dira, ziurrenik; esaterako, Liz Truss Atzerri ministroa, eta Sajid Javid Osasun ministro izandakoa.
Johnson ordezkatzeko sei hautagai daude
Iruzkinak
Ez dago iruzkinik
Ordenatu