Berriztagarrien bost proiektu baimendu dituzte

2023ko urtarrilak 26

GASTEIZ. Eusko Jaurlaritzak joan den astean jakinarazi zuen Labraza eta Azazetako (Araba) proiektu eolikoek aurrera segitzen dutela. Labrazak oniritzia jaso zuen ingurumen eraginari dagokionez, eta Aixeindarrek atzo jakinarazi zuen Azazetakoak ere jaso duela —sozietate publiko horrek eraikiko ditu bi parkeak—. Aixeindarrek esan duenez, «energia erabat berdea» ekoiztuko dute Azazetako eta Labrazako parkeek, eta 470 lanposturaino sortuko dira «lan askoko aldietan». Bakoitzak 40 megawatt ekoiztuko ditu, eta horiek eraikitzeak 169 milioiko kostua izango du. Horrez gain, azaldu du «107.000 etxe hornitzeko energia» ekoitziko dutela, eta atmosferara 50.000 tona CO2 botatzea eragotziko dela.

Gainera, Nafarroako Gobernuak sei eskaera tramitatu ditu. Cierzo IV eta Ebro I parkeei baiezkoa eman diote, eta La Nava parkeari emandakoa «partzialki aldekoa» izan da. Azken horiek kontuan hartuta, Nafarroako Gobernuak 69 eskaera tramitatu ditu legealdi honetan, eta horietatik 35 proiekturi eman diete ingurumen baimena.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Izan BERRIAlaguna