Berrikuntzarako inbertsio funtsa plazaratuko du Bizkaiak

Unai Rementeriak jakinarazi du inbertsio horiek «etekin fiskala» izango dutela; hilaren 26an abiaraziko dute

Berria -

2018ko ekainak 13
BILBO. Berrikuntza alorreko proiektuak laguntzeko funts berezi bat abiaraziko du Bizkaiko Foru Aldundiak, ekainaren 26an. Unai Rementeria ahaldun nagusiak ezagutarazi du produktu finantzario horretan ekarpenak egiten dituztenek abantaila fiskalak izango dituztela. Biscay ESG Global Summit nazioarteko topaketaren barruan eman du ezagutzera egitasmoa Rementeriak.

Bizkaia berrikuntzako inbertsioen erreferente bihurtu nahi du ahaldun nagusiak, eta funtsa helburu hori laguntzeko egina da. «ESG finantza eta inbertsioen aldeko apustua egiten dutenek etekin fiskala izango dute», esan du. Horiek horrela, eragile ekonomikoei eta sozialei indarrak batzeko eskatu die funts horren alde. «Diputazioa bide horretan barna joango da», esplikatu du; «enpresak finantzaketa alternatiboak eskatzen ari ziren, eta, funts berritzaile batzuen bidez, hori gertatzea eragin dugu».

Ekainaren 26an merkaturatuko den funtsa «bakarra izango da Europan». «Ahalegin handia» eskatu du ekinaldiak, Rementeriaren arabera. «Bizkaia handi egin zuen nagusitasun industriala eta finantzarioa berreskuratu nahi dugu. Ongizatearen aldeko hub finantzarioa izan nahi dugu».

Bestalde, inbertitu daiteke jada Jaurlaritzaren bonu jasangarrietan; atzodanik saleros daitezke 500 milioi euro arteko bonuak, hamar urteko epez, eta urteko %1,45eko interesarekin.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna