Jaialdi bikaina antolatu dute gaur Sunbillan, Latasaren Oroimenezkoan

AIZKORA. Puntako hamazazpi herri kirolari ariko dira gaur Sunbillan antolaturiko jaialdi bikainean (19:00). Urtero bezala, XVIII. Latasa Saria izango da jaialdiaren bizkarrezurra, eta bost bikotek hartuko dute parte. Aizkolari beteranoak ere ariko dira, bikoteka: Donato Larretxea eta Miel Mindegia, Angel Arrospide eta Anjel Mari Peñagarikanoren aurka. Aimar Irigoien eta Mikel Lopetegi Urra harri-jasotzaileek ere buruz buruko dema egingo dute hiru harri ezberdinekin. Azkenik, Ousmane Drame marka berria ezartzen saiatuko da 100 kiloko txingekin.