Eslovakiako lehen ministroak dimisioa eman du

Berria -

2018ko martxoak 16
BRATISLAVA. Andrej Kiska Eslovakiako presidenteak Robert Fico lehen ministroaren dimisioa onartu zuen atzo, eta Peter Pellegrini lehen ministrordeari eman zion gobernua osatzeko ardura. Gobernuan dauden alderdiek erabaki horrekin bukatu nahi dute joan den hilaren amaieran sortu zen gobernu krisia, baina ikusi beharko da oposizioak eta azken asteotan mobilizatu diren milaka herritarrek presioari eutsiko ote dioten. Gaurko berriz ere protestara deitu dute, hauteskundeak aurreratu ditzatela exijitzeko.

Jan Kuciak 27 urteko kazetariaren eta haren bikotekide Martina Kusnirovaren hilketek sortu zuten krisia. Hilketaren ondoren hainbat hedabidetan argitaratu zuten gobernuko kideek Italiako Ndrangheta mafia taldearekin harremanak dituztela, eta eskandalua piztu zen. Gobernua hiru alderdik osatzen dute: Ficoren eta Pellegriniren Smer-Sozial Demokraziak , Most-Hid gutxiengo hungariarraren alderdiak eta Alderdi Nazional Eslovakiarrak. Most-Hidek bozak aurreratu nahi zituen, baina iritzia aldatu du.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna