HAZPARNE. Hainbat enpresaburu eta auzapezek, Baionako Merkataritza Ganberako Andre Garreta lehendakariak ordezkaturik, zera salatu zuten atzo: Euskal Hirigune Elkargoak emandako hitza jan duela. Ipar Euskal Herriko instituzioa sortzeko adostutako paktu fiskala ez errespetatzea egotzi diote Jean Rene Etxegarai lehendakariari. Euskal Kosta Aturri elkargoak soilik ordaintzen zuen garraio ordainketaren zerga, eta aurkariek diote lurralde osora hedatzea adostu zutela, urteetan ahal bezainbat luzatuz. Damien Duhamel Elkargoko Garraioen zuzendariorde nagusiak joan den urtarrilean BERRIAri azaldu zion, ordea, aplikazioa oraindik definitzekoa zela: «Orain, hautetsiei dagokie erabakitzea zer-nolako tasa aplikatu 159 herriei».
Elkargoaren apirilaren 14ko biltzarrak zergaren berehalako emendatzea bozkatu du. Hamaika langile baino gehiagoko enpresetan, soldata masaren %2ko izango da enpresak ordaindu beharrekoa, eta 2018ko uztailaren 1ean sartuko da indarrean.
Elkargoak hitza jan duela dio Merkataritza Ganbarak
Paktu fiskalean enpresei aplikatu beharreko garraio zergari buruz adostutakoa ez errespetatzea egotzi diote
Iruzkinak
Ez dago iruzkinik
Ordenatu