Carlsenek esku-eskura du titulua: hiru punturen aldea du bost lehia falta direla
XAKEA. Magnus Carlsenek erabat bideratua du laugarren aldiz jarraian Munduko Txapelketa irabaztea. Norvegiarrak hirugarrenez irabazi zion atzo Ian Nepomniaxtxiri Dubain; hirugarrenez, bederatzi partidatan. Beraz, hiru punturen aldea du errusiarrarekin, txapelketa amaitzeko bost neurketa falta direla: 6-3. Nepomniaxtxik oso garesti ordaindu zuen atzo 27. jokaldian alfila deskuidatu izana. Carlsenek berehala ikusi zuen aurkariaren hutsa, eta, hortik aurrera, nahieran aritu zen, irabazi arte. Gaur hamargarren partida jokatuko dute.
Iruzkinak
Ez dago iruzkinik
Ordenatu