Alavesek Alberto Rodriguez fitxatu du, eta Imanol Garciak Osasuna utzi du

FUTBOLA. Alavesek Alberto Rodriguez Tachi 21 urteko erdiko atzelari espainiarra fitxatu du. Iragan sasoian, Atletico Madrilen bigarren taldean jokatu zuen, eta lau urterako akordioa sinatu du Gasteizko taldearekin. Osasunaren bulegoetan ere lana egon zen atzo, Imanol Garciak eta taldeak kontratua etetea erabaki baitzuten. Erdilariak, halere, badu taldea hurrengo sasoirako: Kordoba, Bigarren Mailakoa.