Euskadiko Ikasleen Orkestrak kontzertu bana emango du Gasteizen eta Bilbon

MUSIKA. Asteburuan dituzten kontzertuak prestatzen ari dira egunotan Euskadiko Ikasleen Orkestra (EIO) osatzen duten 84 musikari gazteak. Musika eskola eta kontserbatorioetako ikasleak dira, eta egonaldia egiten ari dira Bilboko Kontserbatorioan. Larunbatean, apirilaren 7an, Gasteizen izango du emanaldia orkestrak, Jesus Guridi Kontserbatorioan (19:00etan), eta igandean, berriz, Bilboko Campos antzokian (12:00etan). Jon Malaxetxebarriaren zuzendaritzapean ari dira kontzertuak prestatzen. Felix Mendelssohnen eta Dmitri Xostakovitxen obrak joko dituzte.