ZUZENDARIARI

Plastikozko egunak

Oier Dominguez Lopez de la Calle. -

2017ko apirilak 27

Azkenaldian mugimendu berria sortu da plastikoak erabiltzearen inguruan, eta hamaika dira artifizialki sortutako gaiak erabiltzeari uko egiten dietenak.

Mende batzuk atzera, natura menpean izatearen lehia irabazi genuela sinistu genuen —hartza edo zezena hiltzea, adibidez— guk, gizaki moderno deiturikook, gure inteligentziaz harro egotera garamatzaten hainbat aurrerapen sortu ditugunok.

Garaiek agintzen dute, eta gure zibilizazioaren dekadentziak ere bai; jada, ezer ez da nahikoa, eta asmakizunen asmakizunak sortzen ditugu: kafeinarik gabeko kafea, alkoholik gabeko garagardoa, katu zikiratuentzako jana...

Bat-batekotasunaren garai biziatua ere dugu hau, muturreko erosotasun telegidatuarena, alegia. Botoi bat sakatu eta nahi dugun oro eskura izatea proposatzen digute: era guztietako erosketak, era guztietako informazioak, komunikazioak eta harremanak, hatz baten dantzaren bidez.

Ez gara konturatzen Aitorren hizkuntzan mintzo den herri txiki hau Lur planetaren zati dela eta gure ekintzek ere bertan eragina dutela. Konektatuta gaude, baina ez internetez soilik; urak dakarrena, urak daroa, dio esaldi ezagunak.

Naturaren arnas-hodiak zikintzen ari gara gurekin zerikusirik izango ez balu bezala. Esaten da planetaren beste aldean, ozeano Barearen txoko batean beste ozeano edo itsaso bat sortu dela, edo, sortu dugula: plastikozko itsasoa. Berezko korronteek hara eramaten dituzte planetan bizi garenon plastikozko hondakinak, eta dagoenekoz, esaten denez, Ipar Amerika bezain handia den eremua hartzen du, eta satelitez ere ikusten da.

Estetikari begiratuta, penagarria da. Osasunari begiratuta, kaltegarria. Geure ondorengoei begiratuta, berekoia. Orokorrean, arduragabea.

Ondorio ugari atera ditzakegu, baina agian garrantzitsuena, egiten ari garenari buruz hausnartzea da, eta ea prest gauden gure Ama Lurraren arazoa areagotzen, ala konpontzen laguntzeko.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

 ©BERRIA

COVID-19aren uste ustelak

Mikel P. Ansa

COVID-19aren pandemia ukatzen duten joera batzuek indarra hartu dute uda honetan. Haiek zabaldutako uste batzuk zeinen okerrak diren azaldu dute Miren Basaras eta Guillermo Quindos mikrobiologoek artikulu sorta honetan. Gaur, koronabirusaren larritasuna.

Santos Indurain Osasun kontseilariaren agerraldia, artxiboko irudi batean. ©Jesus Diges, EFE

Nafarroako egoera «egonkortzen» ari dela esan gobernuak

Uxue Rey Gorraiz

Azken egunean, 223 positibo atzeman dituzte foru erkidegoan. Kutsatuen kopuruak behera egin du bigarren egunez jarraian.

Azpikontratatutako langileen elkarretaratzea, gaur, Txagorritxuko ospitalearen atarian ©aritz Loiola / foku

Osakidetzako langile azpikontratatuek euren zerbitzuak publiko egiteko eskatu dute

Irati Urdalleta Lete

ELA, LAB, CCOO, UGT eta ESK sindikatuek deituta, elkarretaratzeak egin dituzte Txagorritxuko, Gurutzetako eta Donostiako ospitaleetan.

PCR probak, Gurutzetako ospitalean. ©Luis Jauregialtzo

Ia ehun kasu gutxiago atzeman dituzte egun bakarrean

Uxue Rey Gorraiz

Azken egunean, 608 kasu detektatu dituzte Hego Euskal Herrian. Positiboek behera egin dute Nafarroan, Bizkaian eta Araban; Gipuzkoan ugaritu egin dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna