Fan Hemendik eguna egin dute Oñatin, Guardia Zibilak alde egiteko eskatzeko

Berria -

2018ko uztailak 1
OÑATI. Zortzigarren urtez, Fan Hemendik eguna egin dute Oñatin (Gipuzkoa), Guardia Zibilak herrian duen kasernaren kontrako protesta modura, eta, modu orokorragoan, Espainiako polizia indarrak Euskal Herritik joan daitezela eskatzeko. 12:30ean triki-poteoa egin dute; 15:00etan, herri bazkaria; eta, 19:00etan, manifestazioa. Jende asko bildu da. Altsasun (Nafarroa) irailaren 1ean izango da Ospa eguna, eta epaitu, zigortu eta espetxeratu dituzten herriko gazteen auziak leku berezia hartuko du aurtengo egitarauan, iragarri dutenez.