Igandean hildako umearen ama zentro itxi batera bidali dute

17 urte ditu; erietxean egon da, erditu osteko hemorragia baten ondorioz. Jaioberriaren ama dela baieztatu dute.

Berria -

2019ko martxoak 6

ARRASATE. Igandean Arrasaten (Gipuzkoa) kalean hilda agertu zen jaioberriaren ama adingabeentzako zentro itxi batera bidaltzea erabaki zuen atzo Gipuzkoako Adingabeen Fiskaltzak. 17 urte ditu emakumeak; igandean bertan atxilotu zuten, baina ospitaleratuta egon zen atzora arte, erditu ostean izandako hemorragia arta ziezaioten joan baitzen Debagoieneko erietxera. Deklarazioa hartu ostean erabaki zuen fiskalak adingabeentzako zentro batean sartzea.

Ume jaioberria igande eguerdian aurkitu zuen herritar batek, Galizia kalean, auto baten azpian; plazenta zuen alboan. Larrialdietako zerbitzuak ere bertara hurbildu ziren, baina haurra hilda zegoela berretsi zuten. Ondoren jakin zuen Ertzaintzak neska gazte bat Arrasateko erietxean agertu zela erditu berritan, eta han atxilotu zuten. Atzo baieztatu egin zuten gaztea hildako umearen ama zela; Nafarroan bizi da berez, baina Arrasaten ere ibiltzen da, bertakoa baitu amona.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiako Ramontxu Berri tabernan egondako 683 laguni egin ziete proba, atzo ©Gorka Rubio / Foku

Hego Euskal Herrian, 492 positibo

Berria

Pertsona bat hil da Nafarroan, uztailaren 15etik lehena. Uztailaren 27tik abuztuaren 3ra Galdakaoko Muguru tabernan izan ziren 420 laguni PCR proba egingo diete, eta Donostian PCR-ak egiten jarraituko dute Ramontxu Berriko bezeroei.

Iñigo Urkullu Eusko Jaurlaritzako lehendakaria, iragan astelehenean, Gasteizen ©Jaizki Fontaneda / Foku

«Erantzukizunerako» deia egin du Iñigo Urkulluk

Joxerra Senar

Sare sozialetan zabaldutako ohar batean, Eusko Jaurlaritzako jarduneko lehendakariak ohartarazi du «denen artean ahal den guztia» egin behar dela lehen olatuan bizitako egoera dramatikora ez itzultzeko.

 ©ARITZ LOIOLA / FOKU

Eragile guztiekin biltzeko eskatu dio oposizioak Eusko Jaurlaritzari

Olatz Esteban Ezkati

538 positibo atzeman dituzte Hego Euskal Herrian, iragan astean halako bi. Ospitaleratzeak ere bikoiztu egin dira egun batean: 103 pertsona daude erietxean.

 ©RAUL BOGAJO / FOKU

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna