Kataluniako erreferendumaren alde

Iñigo Jaca, Joseba F. Tobar Arbulu, Xabier Zarandona eta Josu Albero. -

2017ko ekainak 14
Behean sinatzen dugun ICEC-EUSKAL HERRIAren partaideok, Kataluniako Herria bizitzen ari den une historiko honetan, zera adierazi nahi dugu:

·Bere etorkizun politikoa autodeterminazioaren bidez erabakitzeko eskubidea duela, eta katalanei soilik dagokiela erabakitzea zer-nolako harreman politikoa mantendu nahi duten estatu espainiarrarekin.

·Kataluniako eskaera politikoak erreferendum demokratiko eta lotesle baten bidez bideratu behar dira, katalanek —mugarik gabe— berezko Estatu independentea ala estatu espainiarrean jarraitzea nahi duten erabaki dezaten.

·Gobernu espainiarraren mehatxuak arbuiatzen ditugu, eta Kataluniaren autogobernuaren aurkako edozein balizko eraso tinko errefusatzen dugu.

·Euskal Herriko agintariei eta gure Herriko bi Parlamentuei zein Euskal Hirigune Elkargoari Kataluniako Gobernu eta erakundeei haien sostengu osoa ematea eskatzen diegu. Autodeterminazio eskubidea Euskal Herriarentzat ere aldarrikatzea eta defendatzea eskatzen diegu.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna