ZUZENDARIARI

Niessen zinemek euskaldunok diskriminatzen gaituzte

Santi Angulo. -

2019ko urtarrilak 5
Ez da lehen aldia. Euskarazko film bat estreinatzen duten bakoitzean, ordutegi maltzurra jartzen digute Oreretako Niessen zinemek. Oraingoan, Dantza filma estreinatu dute, eta hauxe izan da ordutegia, abenduaren 21etik 27ra: ostiralean, 22:10ean; larunbatean eta igandean, 16:00etan eta 22:40an; 24an, 16:00etan; 26an, 16:00etan eta 22:40ean; eta 27an, 16:00etan. Erdarazko filmek ordutegi zabala dute, baina euskarazkoak ordu desegokietan jartzen dituzte.

Ez da harritzekoa euskaldun jendea zinemara ez joatea. Badakit Niessen zinemek etekin ekonomikoari lehentasuna ematen diotena eta, mundu kapitalista honetan, hori euskaldunok dugun eskubidearen gainetik dagoena. Ez dezatela esan hemen euskara gaztelaniaren parean dagoenik, ez baita egia.

Tamalgarria da hizkuntzaren arabera gure herrian bi motako herritarrak izatea, edozein unetan bere hizkuntza errespetatzen dioten pertsona eta ia une orotan bere hizkuntza errespetatua izan dadin erreibindikatzen ibili behar duena. Badirudi hauexek direla euskararen normalizazioa eta patua. Instituzioek euskara gure esku dagoela esaten digute, baina gero halako kasuetan haiek ez diote gaiari tinko heldu nahi.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna
S: