ZUZENDARIARI

Erne!

Mikel Fernandez Minguez. -

2019ko urriak 10
Euskadi, metalgintzaren sektorean, eskualderik garrantzitsuenetariko bat da. Alde batetik, industrian bere makina-erremintaren jarreragatik; eta, bestetik, edukitzen duen enpresa-kopuru handiagatik hala siderurgian nola fundizioan, baita sortzen dituen lanpostuengatik ere. Hori ez dut esaten nik, baizik eta joan den ekainean Europar Batzordeak Barakaldoko BECen jakinarazi zuen txosten batean.

Hemen ere metalgintzaren laugarren greba-eguna izan zen joan den astean. Egun horrek datu nabarmentzekoak laga zituen: 55.000 pertsona karriketan izan ziren, eta grebaren jarraipenaren %85ekin.

Datu hauek argitara atera orduko, Jaurlaritzako lehendakaria patronalaren alde jarri zen, eta Barakaldoko EAJk eta PSEk ere jarrera horri eutsi zioten. Hots, sektorearen sindikatuek osoko bilkuran babesa eskatu zuten, eta, berehala, haien erantzuna sindikatuen proposamena kaleratzea izan zen; eta, horren ordez, aurrekoaren edukia husten duen ordezko testua aurkeztea. Berriro ere, EAJren eta PSEren arteko zorioneko itun horrek hiritarrei bizkarra eman die; kasu honetan, greban dauden metalgintzako langileei.

Biharamunean, Bizkaian gehien saltzen den egunkariko lehen orrialdeak esaten zuen: «120 grebalariak, 12 kilometroko auto-pilaketak». Bistakoa da egunkariaren helburua ez zela jende askorengan eragina duen auziaren gainean informatzea, baizik eta auto-pilaketa eta grebalariaren arteko zerikusia lau-haizeetara botatzea. Egiari zor, lerroburu bera irakurri nahiko nuke, esate baterako, Espainiako itzulia Bilbotik pasatzen den bakoitzean edo Errugbiko finalak Euskal Herriko edozein herritan ospatzen diren bakoitzean. Horrekin lotuta eta bizikleta uzteke, EITBren Teleberrin lehendakaria oso harro atera da, hurrengo urteetan Frantziako Tourra Euskal Herritik pasatzea posible izan daitekeela esanaz.

Argi dago lehentasun kontua dela: lehendakariak bizikleta hartu nahiago izan du Euskal Herriko alderdirik inportanteenetariko baten auzia konpondu bainoago. Malcolm X-k jadanik esan zuen: «Hedabideekin erne egoten ez bazara, zapaltzailea maitaraziko dizute eta zapaldua gorrotaraziko dizute».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna